Video
Read full review
2021-10-08
87 views
好興奮，今日同朋友發掘左一間喺觀塘成運大廈一樓嘅泰式美食小店。店內員工多數都係泰國人，有時會用泰文交流，但都識講廣東話，每位員工都非常親和友善。正當我哋睇餐牌睇到眼花撩亂嘅時候，有位非常nice既員工哥哥走過黎為我地介紹餐牌，介紹咗餐廳主打嘅食物，聽完之後心入邊終於有答案啦。😊椰青花膠雞煲 $98店員都極力推介我地試下呢個花膠雞煲，咁諗諗下年紀都唔細...都係時候補下d膠原蛋白。呢個花膠雞煲真係唔話得，湯水入口清甜，滿滿的花膠及椰肉片，夏天飲真係好正，清熱消暑。最重要既係咁大一煲先係$98蚊咋，兩個人食啱啱好，下次要再encore呢個煲😆😆😆。沙爹串燒 $48串燒可以任揀雞/牛/豬，諗住未試過我哋講叫咗一串。份量都幾大份，搭配沙嗲汁更加美味。😋碎肉生菜包 $68爽脆嘅生菜包住辣辣地嘅肉碎，十分香口開胃。芒果糯米飯 $66揀咗黑糯米，糯米煮得好香好軟熟，椰漿好香濃好滑，芒果鮮甜，一啖糯米一啖芒果，正吖。🤩三色冰 $28三色冰好香甜嘅椰奶，內面有荸薺粒好爽脆，清新甘香，外面加埋木薯粉煙煙韌韌，口感一流，味道好正宗。牛油果🥑冰沙 $36冰沙類推介試下呢個，十分唔錯，夠健康，又唔甜👍☺️最驚喜嘅
好興奮，今日同朋友發掘左一間喺觀塘成運大廈一樓嘅泰式美食小店。
店內員工多數都係泰國人，有時會用泰文交流，但都識講廣東話，每位員工都非常親和友善。
正當我哋睇餐牌睇到眼花撩亂嘅時候，有位非常nice既員工哥哥走過黎為我地介紹餐牌，介紹咗餐廳主打嘅食物，聽完之後心入邊終於有答案啦。😊
椰青花膠雞煲 $98
店員都極力推介我地試下呢個花膠雞煲，咁諗諗下年紀都唔細...都係時候補下d膠原蛋白。呢個花膠雞煲真係唔話得，湯水入口清甜，滿滿的花膠及椰肉片，夏天飲真係好正，清熱消暑。最重要既係咁大一煲先係$98蚊咋，兩個人食啱啱好，下次要再encore呢個煲😆😆😆。
沙爹串燒 $48
串燒可以任揀雞/牛/豬，諗住未試過我哋講叫咗一串。份量都幾大份，搭配沙嗲汁更加美味。😋
碎肉生菜包 $68
爽脆嘅生菜包住辣辣地嘅肉碎，十分香口開胃。
芒果糯米飯 $66
揀咗黑糯米，糯米煮得好香好軟熟，椰漿好香濃好滑，芒果鮮甜，一啖糯米一啖芒果，正吖。🤩
三色冰 $28
三色冰好香甜嘅椰奶，內面有荸薺粒好爽脆，清新甘香，外面加埋木薯粉煙煙韌韌，口感一流，味道好正宗。
牛油果🥑冰沙 $36
冰沙類推介試下呢個，十分唔錯，夠健康，又唔甜👍☺️
最驚喜嘅係老闆最後仲送多份甜品椰汁糕比我哋，唔會太甜，甜度啱啱好，內面仲有D細細粒嘅泰國黑珍珠，好有咬口。
Post
