Hoi On Cafe

返工日子等左成朝終於到午飯時間，但由於疫情關係，同事全部都叫外賣，唯有獨自一個出去食飯。可能時間尚早，平時好多人等既海安咖啡室竟然唔洗等，決定入去試下。

睇完餐牌，本身諗住叫司華力腸薑葱香油撈麵餐，跟住望到隔離枱食客啲叉燒好似幾吸引，所以改返叉燒撈。

等左大約五分鐘就到，果然冇令人失望！叉燒賣相好靚，肥瘦適中顏色鮮艷又多蜜汁，肉質夠嫩，唔會太甜又唔算油膩好好味！而麵底都係好出色，麵質唔會好硬，有大量薑蔥，非常足料，$48包飲品好抵食！

叉燒撈麵

$48

極力推薦佢嘅叉燒，雖然叉燒唔係佢嘅主打，但係都咁高質，比起主打賣燒味既餐廳更好！