聰嫂私房甜品 (Closed)

聰嫂係我至愛中式糖水鋪之一，皆因食物有水準、價錢大眾化、款式選擇多，呢一星期已幫襯過兩次喇😁，但聰嫂唔係周圍有，所以我一見到就會流口水！椰皇燉蓮子 $58❤️❤️❤️❤️❤️呢個甜品超抵食，除咗殼之外，整個椰皇都食得，首先椰皇嚟到係超級熱(有次食過熱嘅燉蛋白係唔熱)，裡面嘅燉蛋白超香滑，汁亦超濃，因為用椰皇水燉嘅關係，而蓮子非常香甜，完全無一粒有苦澀味，份量亦唔少，最後記住用鐵匙羹挖埋椰肉食，爽口椰子味濃，食完整個超滿足呀椰汁芋頭西米露 $26❤️❤️❤️❤️芋頭超綿好芋頭味，西米軟硬度適中，成碗甜品材料滿瀉，而椰汁亦唔輸蝕，香濃度十足，芋頭控必試二人共消費：$84