金糖滿屋 (Closed)

夜晚時間過嚟都好多人，同朋友一齊叫咗個椰皇清心同埋薑汁小丸子，人多都係要夾硬喺室內嘅走廊位加兩張二人枱，好逼，椰皇系列都唔算貴，不過要等好耐，見佢廚房似係得一個人出餐，啲店員都好忙，不過嗰日係星期六所以大家遷就下都接受到，店員係nice既。個薑汁小丸子不過不失，啲芋圓都係普通，不過薑汁味就好重，適合鍾意食薑嘅人。全店淨係收現金，卡同八達通都冇，要特別注意，下次都會過嚟食，畢竟佢個椰皇清心都幾好食。