🌟🌟🌟🌟🌟（5🌟為最高）
觀塘打邊爐新發現——，第一次試已經愛上，平日都坐滿人，人氣真係唔講得笑！湯底揀咗椰子雞鍋同冬瓜瑤柱豬骨鍋，椰子雞湯清甜滋潤，雞肉滑嫩；冬瓜瑤柱湯底鮮香濃郁，飲落暖胃又開胃。仲有番茄湯、胡椒豬肚、南瓜雞湯、龍蝦頭鍋、花膠雞湯等選擇，款款都好吸引！
🥗 自助吧（選擇超多）
菜、菇類、沙律、飯、甜品、熱飲凍飲一應俱全，最特別係有麻辣小龍蝦、肉燥飯，真係有驚喜！
🐮 牛肉三寶（高質牛味）
美國牛肩胛片、安格斯牛板腱、SRF極黑和牛片，每次只上幾片，唔怕食唔晒，全部都高質有牛味，牛迷必試！
🥢 蘭花蚌 + 海螺片（爽口海鮮）
的的骰骰，爽口彈牙，海味十足，啱晒鍾意清新口感嘅你！
🍗 芝麻雞翼（香脆惹味）
炸得黃金香脆，外脆內嫩，芝麻香氣撲鼻，食完仲想encore！
🥬 菜類選擇豐富
鍾意食菜嘅朋友一定滿意，新鮮又多款，打邊爐唔怕淨係食肉！
🍮 甜品區（完美收尾）
雪條、雪糕、豆腐花、布甸等甜品任你揀，食完火鍋再嚟個甜甜地，完美！
📍牛站(駅)麻辣火鍋放題（觀塘觀塘道414號1亞太中心6樓）
4
