Luen Hing Restaurant

呢日去開黃大仙上面果頭探朋友，佢就帶咗我去附近嘅街坊茶餐廳食個午飯，就咁睇我以為佢淨係賣外賣嘅，原來入到去餐廳都幾大，環境比想像中舒服同乾淨，呢個時勢佢仲有提供紙袋俾我哋放口罩添，抵讚👍👍！

椒鹽豬扒飯，呢個係我叫嘅，椒鹽豬扒炸得好香脆，而且啲蒜粒仲辣辣地好過癮呀。🐷🐷豬扒大大啖肉，正，同時餐廳亦都搭咗幾條白菜仔中和一下。食完成個飯已經非常飽啊！

牛雜河，呢個係我朋友幾好嘅，睇個樣都幾吸引，因為好足料下。我試咗一舊金錢肚，確係幾正，因為非常彈牙。另外我估唔到嘅就係嘅蘿蔔非常入味🤤🤤

奶油多，我哋都非常為食，所以嗌多咗一份奶油多，好彩食得哂，因為好味呀，因為基本嘅口感同味道都做到足。飲埋杯熱檸蜜真係非常滿足☺️☺️。