為食龍 (Closed)

呢間以腐皮壽司做主打嘅Hungry Dino為食龍係銅鑼灣開業嘅時候已經好受觀迎，我自己都食過幾次😂，佢嘅腐皮壽司餡料好豐富又足料，魚生又新鮮，不過鋪位就比較細，只有少量立食位置，而家搬咗去中環新舖之後地方大咗好多，可以坐低慢慢食👍🏻菜式選擇都豐富咗，有唔同卷物、刺身、日式料理選擇。呢度嘅裝修貫徹恐龍style，入到去好有故事入面叢林嘅感覺，好得意，仲有唔少森林動物嘅figures同擺設，周圍都可以係打卡位。不過呢日我坐嘅卡位燈光比較橙，所以影相就麻麻地🤣腐皮壽司－炙燒檸汁帶子、蔥吞拿魚拖羅蓉腐皮壽司係佢哋嘅起家之作梗係要試下，新店多咗好多款式，配搭唔同魚生同配料。檸汁帶子勁厚肉又鮮甜，經過炙燒之後有油脂香，不過檸檬味就冇乜，被腐皮嘅甜味蓋過咗。吞拿魚個個都好足料，面頭好多新鮮嘅吞拿魚粒，底下仲有唔少拖羅蓉，滿足晒去唔到日本食新鮮魚生嘅慾望🥰🥰卷物－西雅圖鬼妹佢哋嘅卷物全部都改咗個好盞鬼嘅名🤪呢個西雅圖鬼妹聽落就好似火辣辣咁🔥其實係火炙牛油果三文魚腩，厚身肥美嘅三文魚燒過之後油脂出晒嚟，面頭仲有少少黑松露點綴下都唔錯。炙燒左口魚蟹膏飯非常推薦嘅魚生飯🙌🏻平時食火炙左口魚都好鍾意佢油脂豐