2:xx pm 人在尖沙咀搵 lunch 食, 到 i-Square 打了一轉又覺得唔太吸引, 兜兜轉轉不如簡簡單單食茶記算吧.
叫了咖喱雞扒豬仔包配薯角, 跟熱奶茶一杯, 另加一件葡撻:
- 熱奶茶: 用金屬杯 serve, 夠晒熱, 飲落滑溜, 茶味香, 奶味 vs 茶味比例約 4:6, 好好飲喎. :)
- 葡撻: 阿姐話我件撻係是日「最後一件」, 真「矜貴」呀吓 @_@" 賣相唔多對路, 食落亦果然唔多掂 -- 酥皮唔得鬆化, 咬落有點韌, 蛋漿就「低糖」得很, 無甜味無蛋香又無 caramel 痕跡, 我食緊蛋白「減肥」撻?
咁樣質素 a la carte 賣 $7 一隻, 食 KFC 葡撻好過啦. 
- 雞扒包: 插了兩支「聖誕」feel 牙籤, 真 festive 呀吓 -_- 豬仔包外層烘得幾鬆脆, 咬落 "crunch" 一聲的
, 內亦幾軟熟; 咖喱汁就係港式咖喱的味道, 辣度輕輕的, 配上幾腍滑的(雪)雞扒, 都幾好食; 薯角少油, 勁熱, 夠脆, 薯肉粉粉的又幾香薯味, 又幾認真, 印象不錯. :)
朋友食「特餐」, 有蕃茄湯牛腩粒通粉, 咖央厚多士 + 煎腸仔, 跟熱華田一杯:
- 試了少少茄牛通粉, 坑紋通粉淥得稍腍, 湯底則茄(膏)味突出又帶點甜味, 紅蘿蔔及洋蔥就十分腍甜, 好食喎
可惜牛腩粒少少韌, 薯仔又唔多夠粉腍, 可以更好的.
- 咖央多及腸仔就 hea 了點, 朋友食完亦話麻麻哋好食, 睇怕...
食物 ok, 環境就人多擠迫兼 ventilation 麻麻, 食完快閃好了.
埋單每人約 $30, 食物意料之外地好, 值得試試的. 聖誕節去澳門遇上重感冒搞到乜 x 都唔食得, 今次當補補數吧.
