Video
Read full review
2017-08-02
329 views
ENOS Space Station 太空餐廳cafe無意中發現呢間主題餐廳，裝修同侍應制服好有型，食物名就有d得意，而且食物質素幾高，一直念念不忘。今日黎附近買寵物用品，特登過黎幫襯。先黎既係松露温泉蛋意粉($88)，意粉煮得好煙靭爽口，松露汁同蛋都好香濃，可惜份量偏少，一個人食晒都唔會夠飽。跟住有處女座飲品奶蓋紅茶($42)，其實有小小貴，覺得同$25一杯台灣飲品差不多，好彩茶同奶都係好味既，上面既棉花糖同d奶幾夾。太空隊長早餐($108)想試好耐，個名好得意，食物既組合好吸引，仲要樣樣都好食。粗薯條係Mos Burger個種，炸得唔係好勁、個皮好薄小小脆、入面就似焗薯，好似無咁熱氣。松露炒蛋我地兩個係第一次食，覺得普通好味啦，唔太突出。煙三魚同磨菇都好有質素，磨菇係成碟野當中香味最濃最突出。重點係兩隻虎蝦同個窩夫棒，虎蝦好多好多蝦膏，好誇張，蝦肉又大隻又鮮甜，令人啜指回味。穿梭機窩夫棒就繼續咁香甜鬆化，不過食食下覺得爭左d乜。。。原來仲爭一份果醬，反正唔夠飽，點多一份窩夫棒連一款果醬($38)，㨂左玫瑰果醬，有醬點好味好多。其實食完兩個人都未飽得晒，不過人地夠鐘打烊了，下次都係點
無意中發現呢間主題餐廳，裝修同侍應制服好有型，食物名就有d得意，而且食物質素幾高，一直念念不忘。今日黎附近買寵物用品，特登過黎幫襯。
先黎既係松露温泉蛋意粉($88)，意粉煮得好煙靭爽口，松露汁同蛋都好香濃，可惜份量偏少，一個人食晒都唔會夠飽。
跟住有處女座飲品奶蓋紅茶($42)，其實有小小貴，覺得同$25一杯台灣飲品差不多，好彩茶同奶都係好味既，上面既棉花糖同d奶幾夾。
太空隊長早餐($108)想試好耐，個名好得意，食物既組合好吸引，仲要樣樣都好食。粗薯條係Mos Burger個種，炸得唔係好勁、個皮好薄小小脆、入面就似焗薯，好似無咁熱氣。松露炒蛋我地兩個係第一次食，覺得普通好味啦，唔太突出。煙三魚同磨菇都好有質素，磨菇係成碟野當中香味最濃最突出。重點係兩隻虎蝦同個窩夫棒，虎蝦好多好多蝦膏，好誇張，蝦肉又大隻又鮮甜，令人啜指回味。穿梭機窩夫棒就繼續咁香甜鬆化，不過食食下覺得爭左d乜。。。
原來仲爭一份果醬，反正唔夠飽，點多一份窩夫棒連一款果醬($38)，㨂左玫瑰果醬，有醬點好味好多。其實食完兩個人都未飽得晒，不過人地夠鐘打烊了，下次都係點番一個扒餐好d，我諗都會幾好味既，係貴左小小，成$268一份。
加一後每人$150左右。
最後想講埋上次食既好野。牛油果煙三文魚窩夫治($78)，係兩塊窩夫夾住d饀，可以想像係好清新既口味，當然都係唔夠飽既。配菜係wasabi黑醋沙律，意外地好惹味。
仲試左水瓶座既玫瑰梳打，上半截粉紅色下半截紫色，杯邊有粒星星楊肚，又夢幻又好太空，造型係一絕，味道唔會太甜，有d層次，值得一試。
Post
