見同老人家食比佢地嘗鮮一下食半放題，$158＋10%一位，
但其實我用$800食散叫點心食到嘔都仲得，我去酒店食幾十款點心放題都唔洗咁貴，
純粹比老人家開心下。
所謂點心放題其實得８款野食，
仲要樣樣都係包呀、鹹水角呀，蝦餃都係次一等嘅芥菜蝦餃，
食落炸雲吞、燒賣、蝦餃都係一樣味，
係牛肉球幾好。
主菜要左咕嚕肉、豬頸肉、魚同雞。
豬頸肉超難食，大量鬆肉粉，一陣味，好地地一舊豬頸肉比佢搞到瘦肉咁，真係冇陰公。
四個人食完埋單$8xx，可用兩張$100卷，
點知店員話唔用得，因為放題係優惠，
我食$158+10%，完全冇半點折扣，唔明有咩唔用得，如果唔用得應該要係MENU清楚講明
本身放題點心種類已經唔多，跟本散叫仲抵食，仲要唔用得現金卷，搵笨！
本來每星期都會去食一次，
先會草落幾張現金卷，而加好似比人搵笨咁，食到一肚氣，以後都唔會黎食。
