桐‧割烹 (亨環‧天后) (Closed)

呢間係天后既餐廳裝修好好，有落地大玻璃，又位處高層，係度食飯都好feel啲呀！👏🏻自家製雞肉棒雞肉棒係日本傳統燒物名物，呢度既雞肉棒整得好好，好粗一條，好飽滿既口感，咬落去食到混合既雞軟骨同免治雞肉，口感豐富，燒得表面有啲焦脆，雞肉好嫩，再點埋月見汁，香濃惹味！🫶🏻嚴選刺身6品我地今次有既款係深海水八爪，北海道牡丹蝦，油甘魚，中吞拿魚，赤貝同埋北海道帶子，八爪魚好煙韌好新鮮，牡丹蝦好鮮嫩好大隻，帶子都好大粒，油甘好肥美，中拖亦幾有嚼勁，赤貝都好爽嫩，全部都好食！🤟🏻油甘魚他他沙律油甘魚有輕微煎香過，外面脆脆地，啲魚肉就好嫩，加埋香蔥同其他菜絲，成個沙律都好好食，好清新！