校長燒肉日韓料理 (沙咀道) (Closed)

食放題通常都係自己落單叫野食，自己都係prefer 可以任夾唔嬲，份量自己預。荃灣個間校長燒肉日韓料理就好適合我呢啲鐘意係出面自己夾，好有自助餐feel。場地幾大，座位唔逼坐得幾舒服。佢地分左幾個區，燒肉區，沙律區，熟食區，甜品區同刺身區等。肉類選擇多，連牛扒都有幾種調味選擇。一開爐佢地會送上一盤牛肉燒蠔拼盤，牛肉紋理分明😍 仲好juicy 唔嚡口。除左肉之外，海鮮都有唔少，多春魚、海蝦同魷魚我都encore 左幾次，一啲都唔腥唔霉。做完食肉獸都要食啲清啲balance 下，燒菠蘿係一個唔錯既選擇。值得一讚既係佢地會定時定候幫你換爐上面既牛油紙，唔會燒都啲野燶哂。刺身可以出去任攞，每次三款試下，唔會眼闊肚窄。三文魚唔錯可以一試。甜品方面佢地有部雪糕機，可以自己整雪糕，仲有好多topping 揀，要整得靚都幾考技術。