Video
Read full review
2022-06-12
123 views
校長燒肉荃灣分店搞緊個$88晚市早鳥時段2小時燒肉邊爐放題優惠，依家上OpenRice就可以購買餐飲券，食完放題會收返正價現金$31服務費，加埋都只係$119 ，真係好抵！晚市早鳥時段由下午5點開始，都有唔少人食，食客坐滿餐廳一半。餐廳大部份都係卡位，長櫈後有紙板作遮隔之用，私隱度高啲，疫情下又食得放心啲！好多年前光顧過一次，今次嚟印象完全唔同，無論係食物擺放整齊度、餐廳乾淨度、食物味道等質素大大提升咗好多。食物款式選擇方面，燒烤同打邊爐食材與肉類、海鮮、醃製類食品等等，加埋大大話話最少有四五十種，蔬菜、點心十幾廿種，餐前小食、熟食、甜品啫喱等接近十種，前菜、壽司超過十種，飲品種類幾十種……真係多到數唔晒！質素方面呢，又真係幾唔錯喎，大部份燒物都醃製過，尤其深刻係銀雪魚燒完熱辣辣食落口多汁到滿瀉仲好香香草味，辣醬雞肉都好嫩滑辣味恰到好處好惹味，炸雞塊、薯角唔多油之餘仲好趣好香口！打邊爐係自助形式，自己出去拎煲加湯，個湯當然冇料喺入邊，但係豬骨湯清清地淥下蔬菜同菇類都好，滿足下我乜都想試啲食啲嘅慾望！最後有好多嘢想試但未試到，驚訝呢個優惠真係好抵同埋觀感唔同咗好多，好快又會再嚟幫襯！難怪
晚市早鳥時段由下午5點開始，都有唔少人食，食客坐滿餐廳一半。餐廳大部份都係卡位，長櫈後有紙板作遮隔之用，私隱度高啲，疫情下又食得放心啲！
好多年前光顧過一次，今次嚟印象完全唔同，無論係食物擺放整齊度、餐廳乾淨度、食物味道等質素大大提升咗好多。食物款式選擇方面，燒烤同打邊爐食材與肉類、海鮮、醃製類食品等等，加埋大大話話最少有四五十種，蔬菜、點心十幾廿種，餐前小食、熟食、甜品啫喱等接近十種，前菜、壽司超過十種，飲品種類幾十種……真係多到數唔晒！
質素方面呢，又真係幾唔錯喎，大部份燒物都醃製過，尤其深刻係銀雪魚燒完熱辣辣食落口多汁到滿瀉仲好香香草味，辣醬雞肉都好嫩滑辣味恰到好處好惹味，炸雞塊、薯角唔多油之餘仲好趣好香口！
打邊爐係自助形式，自己出去拎煲加湯，個湯當然冇料喺入邊，但係豬骨湯清清地淥下蔬菜同菇類都好，滿足下我乜都想試啲食啲嘅慾望！
最後有好多嘢想試但未試到，驚訝呢個優惠真係好抵同埋觀感唔同咗好多，好快又會再嚟幫襯！難怪離開嘅時候落住雨都有十幾廿個人排隊等食第2輪7點。
Post
