麗香園冰室 (興華廣場) (Closed)

近呢幾個月，公司有好多唔同流言蜚語，包括人事變動、工作調配，甚至係是是非非。同事由以前好friend，到依家都有唔同自保或自私嘅想法。不過，工作上嘅轉變，唔可以話無所謂，但除咗接受就係離開架啦。由於工作上feel uncomfortable，見我無咩胃口嘅M佬，就帶咗我去食啲comfort food，原來食嘢真係會令人快樂。羅宋湯跟餐有中湯同西湯，我哋就揀咗開胃嘅羅宋湯。呢碗羅宋湯，好多料，茄味辣度啱啱好。鹹魚蒸肉餅我好鍾意食蒸肉餅！我好鍾意食蒸肉餅！我好鍾意食蒸肉餅！重要嘅事要講3次！呢度嘅蒸肉餅，肥瘦度啱啱好，仲有好香嘅鹹魚味。用嚟餸飯真係一流。風沙雞中翼無胃口除咗想食鍾意食嘅嘢之外，香口嘢都係唔錯選擇。呢個風沙雞中翼，新鮮炸起，夠晒熱辣辣，表皮香脆微辣，而肉質滑溜，推介！