青年商店 (Closed)

😌對於好多人嚟講呢度就係佢哋嘅童年回憶🙌🏻 就算好多人搬走咗都會返嚟食。柴灣嘅小食店其實唔多，有一日無意中搵到呢一間隱身喺永利商場入邊嘅小食店。青年商店主打係佢嘅滷水👍🏻👍🏻常見嘅小食有魚蛋、牛丸、腸仔同齋，加咗辣辣地嘅滷水汁非常惹味！疫情前都見佢有雞髀🍗但係呢排就開始唔見啦😿仲有值得推介嘅就係佢哋嘅蘿蔔，價錢平之餘仲滷得好入味！如果淨係食小食唔夠飽嘅話呢，仲可以揀滷水汁出前一丁/ 或者湯上都可以。小店冇提供堂食，雖然可以企門口食，等疫情問題就要自己衡量🙃🙃同埋佢間唔中會唔開，區外人要留意留意🤡🤡