今日我同朋友兩個人食，叫左十碟野，都係一張五百埋到單，尖沙咀黎講，真係唔算貴。呢到岀名手工藥膳啤酒，不過朋友揸車，我地就叫汽水飲下算，有機會再試啦。
先講呢到嘅招牌菜，用左秘制燒汁慢燒而成嘅鰻魚，入口外脆內軟。
再黎係呢個蒜蓉燒原條茄子，上面有d木魚，口感比坊街嘅燒茄子更豐富。
燒玉子蛋味好濃好香，外面有層蜜糖，用火槍燒過，所以有層薄薄嘅糖衣係面，幾特別！
豚肉金茹串，味道偏甜，金菇都好足料，男仔食好正，女仔一口可能未必食得曬哈哈。
蜜糖燒豆卜，好juicy，蜜糖沁曬入豆卜入面，有醬爆嘅感覺！
總體黎講，水平幾高，價錢都唔貴，可以一戰！
