牡蠣酒場 (Closed)

牡蠣酒場 銅鑼灣謝斐道535號Tower 535 1樓101-102號舖-----禁🚫晚市的前夕，與好友捉緊食好西的尾巴，嚟咗呢間香港少有嘅日式牡蠣酒場。.叫得牡蠣XX，就知佢地主打各式🦪牡蠣料理，餐牌中除了生食牡蠣，焗牡蠣，仲有西日合璧嘅Fusion菜式。而每位客人嘅前面都有一張標記有日本各地牡蠣種類嘅地圖。▲三津灣極牡蠣 $98▲室津牡蠣 $48▲香草牛油牡蠣 $78▲三重芝士牡蠣 $88▲佐賀縣產三瀨雞腿肉 $46▲牛舌 $38▲牛胸腹肉 $58▲辛辣涼青瓜 $38▲海膽忌廉意大利麵 $198▲博多“甜王”草莓威士忌梳打$68.📋長長嘅一個List，兩個女仔食份量剛好，餐廳行精緻高質路線，而非以量取勝🍴。.牡蠣無論生食熟食都水準極優。生食中尤以清甜滑溜、鮮嫩肥美嘅🦪三津灣極牡蠣最為令人印象深刻，而熟食牡蠣，個人則偏愛濃厚三重芝士口味，入口柔軟肥美，食一隻絕對係會令人意猶未盡。串燒上則推薦🍢三瀨雞腿肉，呢款雞腿🍗係佐賀名物，以法國雞同日本地雞混種培養，特點係脂肪較少，肉質結實富彈性，燒香後啖啖肉汁豐腴💦。主食方面，海膽忌廉意大利麵🍝亦非常不錯。一分錢一分貨，食落柔嫩無腥，鮮甜滑溜。