Video
Read full review
2017-02-06
1638 views
呢排天氣凍冰冰, 一大班人於是就走左去食近年好興的海鮮蒸氣鍋. 今次就同朋友們去左紅磡一間人氣私房火鍋店揾食, 聽講連好多明星名人都會成日過黎幫襯. 原來老闆係水上人, 所以對海鮮好熟悉而且對海鮮的質素都要求好高. 難怪連平日都係經常座無虛席, 建議大家一定要提前訂位!! 否則隨時WALK IN都係冇位坐咖. 朋友未到齊前, 先叫左四碟小菜醫下肚先: 炸魚片頭 – 彈牙爽口 炸雲吞 – 脆卜卜, 好香口 秘製獅蚶 - 入口新鮮爽甜又帶點香辣 泡椒鳳爪 - 爽口又酸酸辣辣咁, 非常開胃 各式貝類蜆類多到都分唔清種類, 只知食落全部都好新鮮肥美, 味道鮮甜. 要食蝦的話當然要食大海蝦啦. 足足成隻碟咁長, 仲粗過我隻手指公! 新鮮彈牙又鮮甜, 淡淡肉真係非常正!! 膏蟹雖然唔係好大隻, 但隻隻都係生猛又多膏 蟹膏軟綿甘香, 蟹肉彈牙鮮甜~ 主角終於黎啦, 超大龍躉翅骨!! 簡直大到連放入煲之後, 連煲蓋都蓋唔實, 要用人手按住個蓋先得. 超厚的魚皮同膠質, 口感軟綿嫩滑 又 “漿”口~ 簡直未消化完都覺得皮膚好似已經補充左超多骨膠原咁, 白滑哂~ 自家製生
朋友未到齊前, 先叫左四碟小菜醫下肚先:
炸魚片頭 – 彈牙爽口炸雲吞 – 脆卜卜, 好香口
秘製獅蚶 - 入口新鮮爽甜又帶點香辣
泡椒鳳爪 - 爽口又酸酸辣辣咁, 非常開胃
各式貝類蜆類多到都分唔清種類, 只知食落全部都好新鮮肥美, 味道鮮甜.
要食蝦的話當然要食大海蝦啦.
足足成隻碟咁長, 仲粗過我隻手指公! 新鮮彈牙又鮮甜, 淡淡肉真係非常正!!膏蟹雖然唔係好大隻, 但隻隻都係生猛又多膏
蟹膏軟綿甘香, 蟹肉彈牙鮮甜~主角終於黎啦, 超大龍躉翅骨!!
簡直大到連放入煲之後, 連煲蓋都蓋唔實, 要用人手按住個蓋先得.超厚的魚皮同膠質, 口感軟綿嫩滑 又 “漿”口~
簡直未消化完都覺得皮膚好似已經補充左超多骨膠原咁, 白滑哂~
自家製生蒸糯米飯由於係由生糯米蒸成飯, 所以逼免左要放超多油去抄D米, 而冇咁多油感覺都健康D. 裡面仲有好多臘肉粒, 蝦米仔等等材料, 所以糯米飯口感非常香同埋煙煙韌韌. 非常值得一試.
手打麵 連同 醃好的雞件一齊蒸, 麵條吸哂雞件的肉汁, 鮮味又彈牙. 再加埋特製辣油, 非常惹味~
最後連個粥底都唔放過! 米已經煮成軟綿綿的粥, 而且仲吸盡所有食材的肉汁精華. 加上蔥粒, 生菜絲, 油炸鬼粒等, 鮮味又有豐富口感 .
Post
