Video
Read full review
2025-07-11
30 views
從來未食過咁難食嘅日本菜！本身打算搵個靜靜地地方食個午餐，經過見到有餃子有湯，就試一試…點知伏到真係返唔到轉頭！老實講賣相唔錯，但係食落完全唔知食緊咩…午餐送湯同沙律，麻醬沙律正常，個湯又唔似麵豉湯，又有啲西式嘅感覺，估計佢有啲似係用拉麵湯底俾碗湯你，好油好鹹！午餐仲有一份餃子(兩粒); 餃子預咗一定係攞貨。我係餃子控，真係未食過咁難食嘅餃子！又係好鹹！餃子皮腍晒又韌又凍！吉列豬扒好明顯似係街坊小吃店式果種仿急凍炸豬扒，炸皮又硬又厚！最後，發現門口餐牌價錢同坐低有差別。不過幾蚊就算，早走早着。人生中第一篇差評真係忍唔住！最主要係連好難出錯嘅餃子…佢都竟然可以錯得咁交關…究竟個廚師有冇試過味？老闆入貨又有冇試過？早啲撤離西貢啦，唔該！
本身打算搵個靜靜地地方食個午餐，經過見到有餃子有湯，就試一試…點知伏到真係返唔到轉頭！
老實講賣相唔錯，但係食落完全唔知食緊咩…
午餐送湯同沙律，麻醬沙律正常，個湯又唔似麵豉湯，又有啲西式嘅感覺，估計佢有啲似係用拉麵湯底俾碗湯你，好油好鹹！
午餐仲有一份餃子(兩粒); 餃子預咗一定係攞貨。
我係餃子控，真係未食過咁難食嘅餃子！又係好鹹！餃子皮腍晒又韌又凍！
吉列豬扒好明顯似係街坊小吃店式果種仿
急凍炸豬扒，炸皮又硬又厚！
最後，發現門口餐牌價錢同坐低有差別。
不過幾蚊就算，早走早着。
人生中第一篇差評真係忍唔住！
最主要係連好難出錯嘅餃子…佢都竟然可以錯得咁交關…
究竟個廚師有冇試過味？老闆入貨又有冇試過？
早啲撤離西貢啦，唔該！
$65
0 views
0 likes
0 comments
Post
