板前壽司 (Closed)

如題，呢間板前當顧客不存在，師傅同waiter/waitress不停調笑（係佢地自己玩，唔係應酬客人調笑），完全當客人又聾又盲又透明。Ｓervice慢，個小姐經理唔做其他野，淨係識斟水，而且係我話左「唔該唔駛斟喇，我想灘涷...」之後，眼尾都無望我而且一路同同事傾計，杯水照斟。等要張單，等左超耐，一個推一個話「個同事攞緊比你架啦」。　成班師傅勁邋遢，膠碟好污漕，而且師傅成日跌膠碟，成間舖ping pang不停。師傅調笑，waiter傾計，碗碟橫飛，結論：板前service衰過市政局Ｄ大排檔，起碼大排檔Ｄ老闆會對客人有一點禮貌。壽司呢家野，始終生食，衛生同認真好重要。呢間野「拿西」程度令人髮指，再抵食都係假。