10-1-2011
天寒地凍, lunch 腦裡只有「熱湯烏冬」4 個字, 唔想幫襯樓下「震音」烏冬店 (http://www.openrice.com/restaurant/commentdetail.htm?shopid=47212&commentid=2100380), 嚟了呢間「松本」試試有湯烏冬的 set lunch.
坐低先來一碟漬物及味噌湯: 漬物係大根及中華沙律, 只食了後者, 酸酸的, 算爽口, 死唔去的; 味噌湯則偏鹹, 飲完亦好口渴, 叫味「精」湯比較貼切喎
主食係海鮮龍蝦湯手打烏冬 ($48)... 湯底係飲完幾口渴的罐頭貨色, 不過咁嘅價錢都預咗了吧; 但「手打烏冬」竟然用腍 bad bad 的白色扁麵死充爛充, 就完全唔可以接受
「海鮮」就有一隻有沙又無味的蟶子; 正正常常的白蜆; 及肉質實淨, 但蝦頭奇腥的連殼大蝦, 愈食愈躁底, 真係 
Set lunch 仲跟一杯餐飲, 穩陣起見揀了 (港式) 熱奶茶, 不過又原來好稀, 無奶味, 茶味又好淡, 點呀?
小試牛刀食物唔掂, 招呼亦唔好咗去, 店員們唔係無禮貌, 但態度太「閒 hea」了吧?
丟低 $48, 唔滿意, 唔飽, 唔會再來, 後會無期!
