＜三文魚刺身＞🍣
我哋嗌咗三文魚刺身同三文魚腩刺身，魚腩部位超級肥美，一入口油脂甘香瞬間爆發，超級鮮甜新鮮！
＜軟殼蟹牛油果壽司卷＞🦀🥑
脆卜卜軟殼蟹 x 綿滑牛油果嘅神級組合！蟹殼炸得酥而不油，牛油果好似cream咁包裹住醋飯，海苔嘅鹹香做完美收尾，層次多到數唔晒～
＜FireBird名物 重量級火焰原隻雞髀＞🔥🍗
震撼登場！店員即席用火槍炙燒原隻雞髀，焦糖脆皮咔嚓作響，肉汁多到滴落鐵板！撕開雞肉嫩滑到黐線，仲有淡淡櫻木煙燻香，必點！
＜九州和牛壽喜燒鍋＞🥩🍲
A5和牛雪花紋靚到窒息！輕輕一灼就入口即溶，壽喜燒湯底甜鹹平衡，豆腐索盡湯精華，仲有好多菇同菜作為配菜㗎～
＜炙燒牛舌飯＞👅🍚
炙燒焦邊帶炭香，咬落「索索聲」超治癒，撈埋黑松露醬，強烈推薦超級香！
＜雞腿串＞🍢
簡單卻驚艷！雞皮燒到金黃微脆，肉質嫩滑爆雞汁，灑少點七味粉更惹味～
＜牛肉金菇卷串＞🥓
和牛薄片裹住爽脆金菇，牛油香滲透每條菇隙，一啖咬落去肉汁菇汁雙重夾擊，邪惡但停唔到口！
＜獺祭雪糕＞🍨🍶
清酒之王獺祭化身綿密雪糕，酒香優雅唔嗆喉，奶味超濃～
