31
3
0
Level4
448
0
同屋企人喺東涌行完山⛰,隨便喺下巔皮村口搵咗間泰國餐廳食個飯,雖然只係小店,但估唔到咁多人,好多人行完山都嚟食。不過小店都有做足防疫措施。呢度有室外同室內,不過驚夜晚多蚊都係坐番入面。呢度應該係正宗泰國人開㗎,連侍應都係泰國人。打開餐牌好似樣樣都好吸引,全部都好想食,可能行完山個人特別肚餓。燒豬頸肉配椒汁燒得好香,豬頸肉爽口,配埋椒汁同埋生菜卷埋一齊食都有泰式風味。生菜新鮮爽脆。香炸蝦餅即製,見到金黃色外表,未食都已經知好味啦,果然食落熱辣辣,又香又脆,蝦肉爽口彈牙。泰式燒魷魚,啲魷魚好新鮮,不過如果燒得再耐啲會更加好味。椰青焗海鮮飯,原個椰青上🧉,夠晒睇頭,上檯時已經聞到陣陣椰香味。個飯都唔細架,材料好豐富,面頭有腰果,食落更香脆。泰式炒通菜,因為見餐廳寫住泰式,特別問下個職員會唔會好辣,個職員明明話唔辣,不過食落都幾辣,對於泰國人嚟講其實呢啲都算辣架啦🌶,大家自己衡量下啦。但係炒得好香好惹味,仲有啲麵豉香。最後甜品係必食嘅正宗泰國芒果🥭糯米飯,mix埋白糯米同黑糯米,啲飯暖笠笠,煙煙韌韌,好香椰漿味。🥥今日行完山⛰燃燒嘅脂坊又毀於一旦啦🙈!下星期再努力吧!💪
Read full review

25 views
0 likes
0 comments


同屋企人喺東涌行完山⛰,隨便喺下巔皮村口搵咗間泰國餐廳食個飯,雖然只係小店,但估唔到咁多人,好多人行完山都嚟食。不過小店都有做足防疫措施。

呢度有室外同室內,不過驚夜晚多蚊都係坐番入面。呢度應該係正宗泰國人開㗎,連侍應都係泰國人。

130 views
0 likes
0 comments


打開餐牌好似樣樣都好吸引,全部都好想食,可能行完山個人特別肚餓。

39 views
0 likes
0 comments


燒豬頸肉配椒汁燒得好香,豬頸肉爽口,配埋椒汁同埋生菜卷埋一齊食都有泰式風味。生菜新鮮爽脆


5 views
0 likes
0 comments


香炸蝦餅即製,見到金黃色外表,未食都已經知好味啦,果然食落熱辣辣,又香又脆,蝦肉爽口彈牙


15 views
0 likes
0 comments


泰式燒魷魚,啲魷魚好新鮮,不過如果燒得再耐啲會更加好味。

2 views
0 likes
0 comments


椰青焗海鮮飯,原個椰青上🧉,夠晒睇頭,上檯時已經聞到陣陣椰香味。個飯都唔細架,材料好豐富,面頭有腰果,食落更香脆。

6 views
0 likes
0 comments


泰式炒通菜,因為見餐廳寫住泰式,特別問下個職員會唔會好辣,個職員明明話唔辣,不過食落都幾辣,對於泰國人嚟講其實呢啲都算辣架啦🌶,大家自己衡量下啦。但係炒得好香好惹味,仲有啲麵豉香。

25 views
0 likes
0 comments


最後甜品係必食嘅正宗泰國芒果🥭糯米飯,mix埋白糯米同黑糯米,啲飯暖笠笠,煙煙韌韌,好香椰漿味。🥥

今日行完山⛰燃燒嘅脂坊又毀於一旦啦🙈!下星期再努力吧!💪
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2020-04-10
Dining Method
Dine In
Spending Per Head
$200 (Dinner)