我最近去左東涌福朋喜來登酒店嘅The Harbour Lounge試下佢哋新推出嘅美式Menu，整體感覺係非常好！酒店設有免費Shuttle bus，每半小時於東涌站開出，非常方便。餐廳環境舒適，侍應服務殷勤，食物亦好有質素。自製牛肉漢堡用和牛漢堡扒，肉質多汁細嫩，肉香濃郁，仲有十款配料可按個人喜好添加。烤豬肋骨份量十足，每件都大大條，肉質軟腍，肉汁亦好豐富！水岸小食拼盤有西班牙火腿炸丸子、水牛城雞翼、忌廉芝士釀墨西哥辣椒、炸素春卷，各三件，外層炸得金黃酥脆，内餡足料惹味。沙律菜新鮮爽脆，加入提子乾、蘿蔔絲等，口感清爽，加埋適量沙律醬，食落清新健康。粗薯條炸得外脆內軟，撒上適量香草鹽調味，點埋黑松露醬汁，松露香氣十分濃郁。意大利青瓜條好特別，青瓜條裹上麵包糠，略厭外層炸漿有少少厚，内裏青瓜清甜爽脆。荔枝玫瑰沙冰杯邊以玫瑰花瓣點綴，仲用竹簽串起兩粒荔枝放係杯頂，味道清新，甜而不膩。雜莓沙冰酸酸甜甜，雲呢拿奶昔質地濃稠，奶香味濃。整體來說，東涌福朋喜來登酒店嘅The Harbour Lounge係一個非常值得一試嘅餐廳，食物質素高，價格合理，環境舒適，服務好。一定會再去試下其他菜式！
The above review is the personal opinion of a user which does not represent OpenRice's point of view.
Like
Dining Method
Dine In
