東海堂 (長沙灣廣場)

Open Now

Now Closed

因為啱啱手上有2張東海堂嘅優惠券🧧又見到佢地出咗開心果系列，即刻吸引到我呢個開心果控🫶見到外表咁靚又係我杯茶，梗係即刻入手試一試！🍮 蛋糕頂層係一層厚厚嘅焦糖脆皮，硬度偏高，要用啲力先整開，焦糖唔會太甜，亦冇遮蓋到開心果味。中間嘅開心果流心層超加分，味道夠香夠濃，真係食得出開心果嘅果仁香🥜再配埋底層嘅芝士蛋糕，軟滑中帶少少鹹香，甜中有鹹，層次感十足。💚 如果想食少少甜點止吓癮，或者唔想買成個大蛋糕，呢個迷你size真係幾啱🎯價錢唔貴，味道又有驚喜！