Video
Read full review
2021-06-13
67 views
東廣場好多小型餐廳，行行下見到呢間新新地，有少許文青FEEL 的CAFE，啱哂兩個女仔輕食同傾計RELAX。餐廳設計好舒服，枱與枱之間都好闊落，飯、意粉、漢堡、沙律等都有，飲品以咖啡為主。客人可以用QR CODE 落單，每款菜式都有圖表示，更方便選擇。因為太多款選擇唔到，店員介紹咗意粉同乳酪，飲品方面店員介紹嘅比較有特色的。呢到有個自助水吧，客人可以自己加普通水或SPARKLING。明太子甜蝦扁意粉( $138)明太子係我同朋友最鐘意的食物，每條意粉都沾上充滿咗明太子同少量蟹籽的汁，帶少許咸鮮同辛辣味，個汁都有少少滯，兩女仔SHARE 就啱啱好，隻甜蝦爽甜，將個意粉升華咗，另外配一片自家制的脆蒜蓉包。鮮果乳酪 ($88)呢個完全係件藝術品！底係GREEK YOGHURT，半邊放滿CEREAL，中間放了切片的香蕉，另外有紅肉火龍果、橙、藍莓、紅莓、士多啤梨、奇異果，如果就咁撈埋黎食的話會覺得好FRESH，淡淡的乳酪酸味，好適合做完運動食，乳酪配搭帶花香味的蜜糖，蜜糖的甜和水果的酸中和咗，令個乳酪的味道更出。（左）TIRAMILO 意式咖啡蛋糕奶昔( $45)呢杯係店員的推介，望落似咖啡特
東廣場好多小型餐廳，行行下見到呢間新新地，有少許文青FEEL 的CAFE，啱哂兩個女仔輕食同傾計RELAX。
餐廳設計好舒服，枱與枱之間都好闊落，飯、意粉、漢堡、沙律等都有，飲品以咖啡為主。客人可以用QR CODE 落單，每款菜式都有圖表示，更方便選擇。
因為太多款選擇唔到，店員介紹咗意粉同乳酪，飲品方面店員介紹嘅比較有特色的。呢到有個自助水吧，客人可以自己加普通水或SPARKLING。
明太子甜蝦扁意粉( $138)
明太子係我同朋友最鐘意的食物，每條意粉都沾上充滿咗明太子同少量蟹籽的汁，帶少許咸鮮同辛辣味，個汁都有少少滯，兩女仔SHARE 就啱啱好，隻甜蝦爽甜，將個意粉升華咗，另外配一片自家制的脆蒜蓉包。
鮮果乳酪 ($88)
呢個完全係件藝術品！底係GREEK YOGHURT，半邊放滿CEREAL，中間放了切片的香蕉，另外有紅肉火龍果、橙、藍莓、紅莓、士多啤梨、奇異果，如果就咁撈埋黎食的話會覺得好FRESH，淡淡的乳酪酸味，好適合做完運動食，乳酪配搭帶花香味的蜜糖，蜜糖的甜和水果的酸中和咗，令個乳酪的味道更出。
（左）TIRAMILO 意式咖啡蛋糕奶昔( $45)
呢杯係店員的推介，望落似咖啡特飲，飲落有綿滑感覺，淡淡咖啡味，有飲緊TIRAMISU 的感覺。
（右）S"MORE CAPPUCCINO 棉花糖脆脆泡沬咖啡 ($42)
朋友想要熱飲，就揀咗呢款偏女仔的飲品，雖然有溶咗的棉花糖，但配會咖啡的苦飲落唔係太甜，啱哂鐘意少甜的人。
Post
