港滋味 (Closed)

放工約左住港島區的朋友來到了筲箕灣東大街覓食，捉緊食晚市最後一天的尾巴。今次一於試試呢間港滋味，店鋪有種大眾餐廳格局。睇落餐牌，見到有鮑魚、龍蝦而且唔算好貴，好，就點呢個海鮮二人餐同再揀左個豆醬龍躉頭腩試試。鮑魚片配上泰式酸辣醬汁，分外醒胃。蒜蓉蒸龍蝦開邊，蝦頭充滿蝦膏，肉質新鮮彈牙配上香濃蒜蓉醬汁，真係好夾。豆醬龍躉頭腩，醬汁惹味，魚肉鮮甜，吃過不停！仲有蔬菜方面就有豆苗，豆苗面頭鋪上了鮮味蟹肉絲，豆苗幼嫩，口感極佳。份量適中，還有甜品薏米水奉上，好健康呢！