東大街真係好多好野食
今日想食韓國菜
所以今日食呢間喇
不過呢間好熱鬧
門口有位正宗韓國侍應安排入座
其實佢唔太識講廣東話
不過佢都好友善
用身體語言加廣東話同英文溝通
門口個餐牌已經好有吸引力
今日人比較多 等位要15分鐘
入到去立即叫左個石頭煱飯 我選左雞肉
可以自行選擇豬肉/雞肉/牛肉/海鮮
配湯同前菜 入座時有杯粟米茶飲
不過都要等耐啲 等左15分鐘終於到
冇失望， 啲野好新鮮
自行攪拌 會加到最熱 所以都要等一等
食落真係好香 由於我唔食辣
如果喜歡食辣 加韓國辣醬會更好食
攪拌到由上下
食落啲飯唔爛 仲保持品質
不過真係好熱要慢慢食
啲前菜 係黑豆，泡菜，薯仔
全部都係甜味
個湯好飲 好惹味
60蚊唔洗加1 價錢合理
雖然要等但下次再想去
