九雲居 (Closed)

平時打邊爐唔係港式酒樓就係日式火鍋，有冇諗過邊爐都可以走東南亞風？今次食呢個有齊哂喇沙冬蔭功牛骨椰子雞肉骨茶等湯底，連點餸嘅調味都多咗好多東南亞風嘅配料選擇，而餃丸類都混入東南亞風味，加咗紅咖喱嘅鯪魚、加馬拉盞嘅蝦丸、加咗泰式肉碎嘅水餃，全部都係手工嘢，除咗食到食材嘅鮮味之外口味上都好有新鮮感夠哂特色唔會悶，除咗火爐之外仲有啲東南亞小食可以響起爐前當餐前小食，當中首推炸冬蔭軟殼蟹，有冬蔭功嘅香味但又唔會太辣，而且軟殼蟹脆得嚟仲超多肉，咬落去勁多汁，另外私心推介班蘭香茅茶，坊間好少見，飲落清熱之餘仲有勁香嘅香葉味，不得了