店舖裝修好有東南亞風，掛咗好多月球吊燈，好有特色！地方寬敞，坐得舒服。
泰式鹽焗燒魚
條魚好大條，燒到魚身非常香，上枱後將魚皮揭開，魚肉嫩鮮多汁，再配上特色酸辣汁，好醒胃，推薦。
馬拉盞通菜
泰式經典炒通菜，通菜新鮮翠綠兼爽脆，炒得好有鹹香味但又唔會過咸，微辣，惹味又好味。
串燒沙嗲（6串）
有牛同雞各三串，肉粒大大件又唔柴，好香燒烤味，配上秘製沙嗲醬，食到好滋味。
呢杯mocktail - Fruit Float杯身好靚好吸精，由多款果汁加椰子忌廉混合而成，飲落清甜可口，清新又解渴，推薦。
芒果糯米飯
三款唔同口味糯米飯團，上枱熱辣辣仲冒煙，黏口軟糯，配上濃味椰漿，好好食，另外芒果肉香甜多汁，絕對推薦。
