料理X空間

Open Now

Now Closed

今日打算嚟深水埗行電腦特賣場，所以打算醫咗肚先1）生果咖喱雞好特別地用咗菠蘿、水蜜桃、同香蕉整成嘅咖喱雞汁，唔「杰」身，咖喱汁只有薯仔做配菜，湯汁食得出有果香，但係就見唔到水果真身，睇出廚師落咗心機，以免食嘅時候睇唔到啲雞件😆😆食嘅時候一啲都唔「溜」，我哋兩個人可以成盤咖喱雞食晒！2）骨膠原鹹豬手口感好爽脆彈牙嘅鹹豬手，食到有啲花椒八角五香嘅味道整出嚟嘅鹹豬手，配以泰式辣汁，點嚟食好開胃，完全係一度fusion菜 。3）飲品：檸檬乾荔枝沙冰、雜莓沙冰檸檬乾荔枝沙冰，呢個沙冰真係充滿創意，係有咬口嘅一杯沙冰，你會食到有檸檬果乾，充滿本地特色 。雜莓情人梅沙冰唔係藥水味，係真係用生果嘅雜莓攪拌而成嘅新鮮水果沙冰，真係食到有情人梅乾，有口感既沙冰！餐廳有兩張大枱，好適合多人聚餐。亦都有好浪漫嘅二人枱，仲要係窗口位 。亦都有特色佈置嘅室外坐枱位。