好啦，入正題，總之Bff肯去食放題，但要火鍋，而且要旺角近收工地段喔。咁又要有新意，就搜尋到一間位於旺角新城，嗯，是新城不是新之城。（原來真的有這棟大廈）
經過一輪指揮路癡Bff的時間，來到即刻開始叫湯底啦。款式都算多，有黑松露，三文魚牛乳，東京番茄依勢龍蝦，特邪惡濃厚芝士等等，幾特別（仲有好多情侶一齊食芝士湯底，唔同越墮落越快樂？）。好，我地終於決定揀東京番茄龍蝦湯配極濃就來可以拉絲
既芝士鍋湯底！
等緊上湯底，唔放過刺身機會，得拉香港人實會揀架啦，三文魚，1Cm咁厚既，合格，帆立貝，櫻花蝦，全部都係我心水
跟住仲有好多配料海鮮揀，我地就揀左廣島蠔，響鈴，當中真係唔少得既「浪衫架牛肉」同簿切豬
龍蝦加邪惡芝士鴛鴦鍋到啦，很想要吧！友情真好，真係要搵個肯唔介意肥既朋友吖，呢D咪友情咯！哇個龍蝦湯一上來，真係哇左聲，半個鍋咁大，個龍蝦頭上來「好精神」，另一邊芝士鍋，其實會配埋碟芝士材料，將芝士加落去就會變成可以拉絲既芝士鍋
因為好邪惡既關係，我覺得牛肉反而襯東京龍蝦湯，海鮮反而好襯芝士鍋！
我地又飲酒又食埋甜品，又吹水，「如何不懂謙卑去講心中理想不會俗氣」，不斷談論我地既創業大計，
希望快D成功！
但今次個邪惡大計就成功左！真係好開心，人生有個真正朋友的缺好極！
