NUTTEA (旺角中心第一座) (Closed)

一直都知呢間舖頭飲堅果奶茶好出名，但係佢開嗰啲位好隔涉，所以一直都冇去。佢最近喺旺角中心開咗新店，即刻同朋友買番杯嚟試吓。佢d奶用好唔同堅果製成，例如杏仁、夏威夷果仁等等。黃店之香港加油～！基本上佢係有堅果奶蓋茶、堅果奶、堅果奶茶。我哋叫咗杯珍珠堅果奶茶同埋伯爵茶朱古力堅果奶蓋茶。佢個朱古力奶蓋打得好綿密好厚，比平時嗰啲芝士奶蓋更加厚身，果然好有心機整。個奶蓋都好香朱古力同堅果味，加埋朱古力粉無得輸。茶底方面，佢有堅果、earl grey既香味，好清甜。至於依杯堅果珍珠奶茶，雖然佢冇牛奶嗰種香濃奶味，但係佢換咗堅果奶又係另一番風味，第一次試覺得好新奇，飲多幾啖又覺得其實佢同珍珠都夾，同埋一定冇牛奶咁肥。至於佢啲珍珠都幾彈牙。