諾亞半熟蛋糕專門店 (Closed)

朋友仔生日點知發燒感冒，所以唔買得有忌廉個啲蛋糕，但生日總要吃點甜嘛，就買諾亞半熟朱古力個隻啦，黎到發現原來而家有杯裝，簡直perfect，壽星仔又驚傳染我地，就買杯比佢「自私食」，另外我地就買一個裝比壽星仔切啦。 杯裝揀左蜂蜜味半熟芝士蛋糕，壽星仔好開心覺得我好貼心喎，佢病病地想要啲蜂蜜滋潤下同時又覺得有輕度芝士蛋糕唔漏同時好軟熟，好岩佢呢個「生日既病人」食呀， 「自私食」仲可以拎埋隻杯返屋企添。 個裝揀左朱古力味既半熟芝士蛋糕，坦白，外型就真係唔太靚，不過勝在有內涵， 雖然「諾亞」都開左好耐，但我地班人都係第一次食呢隻朱古力蛋糕，女士們個個大叫好味，貪佢有朱古力同芝士味同時又軟熟，但竟然入口唔膩，令到個個都食唔停口，完全唔覺有罪惡感（需知大部份女人都又要食又怕肥嘛）。