Video
Read full review
2013-11-28
1047 views
早排冇咩心情寫野~所以到左咁耐先至將十月十三號食o既團購黎一個簡評~題外話: 買左部HTC ONE 64GB版成兩個月,都係有機會影低o的街景同有關工地o既相...黎到呢度, 就順便繼續試下o的影相功能先~首先影下個周圍環境先~今次o既團購買左o既係兩人餐o既德國什錦拼盤:燒原隻無骨春雞, 燒豬肘, 芝士忌廉焗薯 & 串燒蔬菜原隻無骨春雞o既肉本身夠嫩, 又焗得o岩o岩好,再加埋香草吊到D味出黎. 成個拼盤入面, 最好食得黎又唔滯o既食物都係非佢莫屬喇!燒豬肘, 食落去基本上好似鬼佬版燒肉咁,不過可能係焗得過頭, 食落去就有o的過乾,成個拼盤就俾呢隻燒豬肘破壞左, 可惜~芝士忌廉焗薯, 係有少少"漏"o既~呢碗野俾兩個人食就o岩o岩好.入面o既薯仔係切到一片片咁疊埋一齊, 幾乎每一塊薯仔都沾上了忌廉.而芝士就主要只係蓋上左o係面. 我就認為, 主要係"漏"在忌廉,而唔係面頭o個一塊芝士.串燒蔬菜都唔錯, 燒得o岩o岩好, 唔會太水或者太乾.本身我都唔係幾鐘意食蔬菜, 但係都想讚一讚好~食完個拼盤, 飲埋隨餐附送o既兩杯啤酒~再同女朋友吹完水, 又開始有少少想食番o的野~(其實個拼盤o既
所以到左咁耐先至將十月十三號食o既團購黎一個簡評~
題外話: 買左部HTC ONE 64GB版成兩個月,
都係有機會影低o的街景同有關工地o既相...
黎到呢度, 就順便繼續試下o的影相功能先~
首先影下個周圍環境先~
今次o既團購買左o既係兩人餐o既德國什錦拼盤:燒原隻無骨春雞, 燒豬肘, 芝士忌廉焗薯 & 串燒蔬菜
原隻無骨春雞o既肉本身夠嫩, 又焗得o岩o岩好,再加埋香草吊到D味出黎. 成個拼盤入面,
最好食得黎又唔滯o既食物都係非佢莫屬喇!
燒豬肘, 食落去基本上好似鬼佬版燒肉咁,
不過可能係焗得過頭, 食落去就有o的過乾,
成個拼盤就俾呢隻燒豬肘破壞左, 可惜~
芝士忌廉焗薯, 係有少少"漏"o既~呢碗野俾兩個人食就o岩o岩好.
入面o既薯仔係切到一片片咁疊埋一齊, 幾乎每一塊薯仔都沾上了忌廉.
而芝士就主要只係蓋上左o係面. 我就認為, 主要係"漏"在忌廉,
而唔係面頭o個一塊芝士.
串燒蔬菜都唔錯, 燒得o岩o岩好, 唔會太水或者太乾.
本身我都唔係幾鐘意食蔬菜, 但係都想讚一讚好~
食完個拼盤, 飲埋隨餐附送o既兩杯啤酒~
再同女朋友吹完水, 又開始有少少想食番o的野~
(其實個拼盤o既分量真係唔算多,
主要係個芝士忌廉焗薯令到我地要抖陣o者)
我本身其實都幾鐘意食意粉....咁o岩呢度又有得叫,
咁我就決定叫一客蕃茄香草海鮮意粉試一試
(加大, 冇記錯係份量同價錢乘1.5)
果然係加大...我同我女朋友食左一個細餐碟o既份量之後,影落去都仲係好滿~最緊要係, 大份得黎又好食
本身茄膏同海鮮o既份量都落得好足, 味道濃得黎,
o的醬又唔會太杰, 食落o既感覺係好鮮甜~
(絕對唔係好似我o係另外一度食過o既,
直情只係落重左糖o既o個一種甜,
而冇任何o既海鮮及蕃茄的鮮甜!
提示係: 小欖青龍路. 餐廳名就唔想o係到講啦~)
食完個意粉之後, 我地竟然仲未夠喉!
一定係啤酒同意粉搞到我地開哂胃~
於是我o係餐牌上揀左兩個甜品, 一個意式奶凍, 同一個Tiramisu.
意式奶凍, 食落幾清新, 唔會"漏",又唔會好似出面o的奶凍咁俾o的香草味蓋過哂o的奶味.
至於Tiramisu...食落去就真係唔似傳統o既Tiramisu或者係維基百科說明內所指o既變種吧?
總然之我食落去, 就似朱古力忌廉蛋糕多o的~
味道方面偏甜, 冇左傳統整法o既酒香,
個人認為一般, 但都算係不過不失~
食完坐陣埋單, 去到門口外面望一望, 其實都幾有懷舊電影Feel (始終都係懷舊電影做主題嘛. 個人幾鐘意呢一種環境氣氛~)
總括黎講, 我覺得個德國什錦拼盤餐就有好有壞, 尚有改進空間.
其他餐單上的食物反而有驚喜. 我認為呢間野都值得再去o既~
Other Info. :
當日使用的團購優惠: $198 二人德國慕尼黑啤酒節晚餐 (原價$398)
(The above review is the personal opinion of a user which does not represent OpenRice's point of view.)
Post
