Video
Read full review
2023-12-22
107 views
“調和五味，餚選八珍”係七福嘅Slogan，亦係兩個tasting menu嘅名。”調和五味”$1000位，”餚選八珍”$1500位。今次先試吓”調和五味”，前菜連甜品有八道菜，12味餸。-雞子戈渣、皮蛋醬蘿蔔、蜜汁燒脆鱔皮蛋蘿蔔冇乜嘢特別，脆鱔塊皮勁脆，肉質淋，甜甜地仲有酒香。戈渣呢啲近乎失傳嘅手工菜，真係唔係度度有得食，仲加入雞子，味道似鵝肝，口感外脆入面似布甸。第一次食驚為天人。似傳統雞絲翅嘅味道，高湯濃厚，官燕一絲一絲，絕對冇偷工減料。原本餐單係田雞片，但唔係人人接受到。餐廳幫我地轉做鴿餔。鴿餔火候掌握得好好，鑊氣十足。雲腿煮淋再炸之後切片，咸香又脆口。相傳由何東家廚，「福臨門」創辦人徐福全所創，一脈相承，七福嘅焗蟹蓋可以稱得上為原版嘅味道。麵包糠脆皮入面嘅所有蟹蓋，入面釀滿咗一絲絲嘅洋蔥同蟹肉。作為招牌菜的確唔錯。見到有一味川菜係呢間傳統粵菜出見，令我好奇想試。麻味非常之特出，牛肉嫩滑。比坊間好食好多。油雞樅菌少少咸同豆角同炒，係偏清爽嘅味道。一個小蒸籠上，面頭有蟹肉，入面嘅瑤柱份量非常之多。佢哋你偏乾身嘅鮑汁荷葉飯[甜品]-生磨合桃露、鴛鴦棗茸糕、懷舊合桃酥最後居然有三款
“調和五味，餚選八珍”係七福嘅Slogan，亦係兩個tasting menu嘅名。”調和五味”$1000位，”餚選八珍”$1500位。今次先試吓”調和五味”，前菜連甜品有八道菜，12味餸。
[前菜]
-雞子戈渣、皮蛋醬蘿蔔、蜜汁燒脆鱔
皮蛋蘿蔔冇乜嘢特別，脆鱔塊皮勁脆，肉質淋，甜甜地仲有酒香。戈渣呢啲近乎失傳嘅手工菜，真係唔係度度有得食，仲加入雞子，味道似鵝肝，口感外脆入面似布甸。第一次食驚為天人。
[雞茸燴官燕]
似傳統雞絲翅嘅味道，高湯濃厚，官燕一絲一絲，絕對冇偷工減料。
[燒雲腿鴿餔]
原本餐單係田雞片，但唔係人人接受到。餐廳幫我地轉做鴿餔。鴿餔火候掌握得好好，鑊氣十足。雲腿煮淋再炸之後切片，咸香又脆口。
[釀焗鮮蟹蓋]
相傳由何東家廚，「福臨門」創辦人徐福全所創，一脈相承，七福嘅焗蟹蓋可以稱得上為原版嘅味道。麵包糠脆皮入面嘅所有蟹蓋，入面釀滿咗一絲絲嘅洋蔥同蟹肉。作為招牌菜的確唔錯。
[水煮手切牛肉]
見到有一味川菜係呢間傳統粵菜出見，令我好奇想試。麻味非常之特出，牛肉嫩滑。比坊間好食好多。
[油雞樅菌炒四季豆]
油雞樅菌少少咸同豆角同炒，係偏清爽嘅味道。
[瑤柱荷葉飯]
一個小蒸籠上，面頭有蟹肉，入面嘅瑤柱份量非常之多。佢哋你偏乾身嘅鮑汁荷葉飯
[甜品]
-生磨合桃露、鴛鴦棗茸糕、懷舊合桃酥
最後居然有三款甜品，個人最欣賞個棗茸糕，Q彈又唔黐牙。合桃酥一啲都唔油·而且好鬆脆。合桃露食得出生磨仲有係小甜口味，香氣十足。
Post
