Burger's Friend Forever (元點)

Open Now

Now Closed

宜家Yoho 商場開左好多新店舖，行到Yoho Mix，揀左入面唯一一間漢堡連鎖店Burger's Friend Forever食dinner～佢地大品牌進駐元朗商場，除左元朗之外，仲有希慎、啟德同埋將軍澳分店。佢地元朗分店係西餐廳形式，除左最signature既burger之外，仲有意粉、沙律等等。二人晚餐（$288）1️⃣芝麻沙律前菜有沙律🥗芝麻醬落得好足。2⃣️洋蔥圈、炸芝士、薯格小食可以五揀三。三樣炸物都炸得香脆可口，特別鍾意炸芝士，爆脆外殼入面既芝士非常軟滑🧀另外配上蜂蜜芥末醬點咩都好食😋3⃣️ 侯斯頓漢堡拼炸粟米漢堡包採用新鮮牛肉製造，係一個健康既漢堡包👍牛肉多汁好味，配上啲燒烤醬好惹味。另外面頭仲有煙肉同埋芝士，餡料豐富。伴碟係炸粟米幾特別，灑上左啲七味粉，食落鮮甜。4⃣️蒜香雞扒意粉拼炸粟米雞扒好滑！烤雞香味十足，配上蒜香意粉，仲有啲蘑菇同埋洋蔥，食落唔香而不膩。5️⃣ 雲呢拿雪糕球最後仲有甜品，一人一球雪糕，滿足😌6️⃣飲品揀左熱白桃烏龍茶同埋無糖可樂。