王家沙 (Closed)

其實本蛇都好鐘意食上海嘢加。是晚系APM打算食一杯，但要等20+位，我地去行了一圈阿信屋之後，排位也還沒有郁動嘅痕跡，見到隔離王家沙有位，毅然轉呔。本蛇食來食去都系果幾樣，拿拿聲點曬，可憐小熊只點了一樣，就係一碗三鮮煨麵。糯米燒麥層皮薄得來又有嚼口，包住滿滿糯米，糯米混合豆腐干，豬肉，味道淡淡的卻滿是香氣。魚湯菠菜菠菜很嫩，魚湯浸著，很入味，滿滿一碟補充蔬菜。酒糟豬手豬手滿含膠原蛋白，是女士嘅恩物，但是豬手很容易膩。花雕酒泡的就非常解膩，而且很爽口，嚼勁十足，酒味淡淡的，舀一羹花雕酒也很惹味。炒鱔糊大家都知道炒鱔糊要放大量油，王家沙嘅鱔糊嘅最好之處就是油相對較少，食起來不會太罪惡。鱔絲幾多，韭黃脆脆的，加上醬翻炒，真是絕配。我地只系兩個人食飯，因為本蛇餐前好肚餓，興奮起來，點咗五樣嘢食（中有一大碗面無影），最後食唔曬，仲要打包。雖然小熊無怪我，但都要發此文以告誡自己眼闊肚窄。綜合來講，因為上海菜的特色就是濃油赤醬，本不適合香港人喜清淡嘅胃口。王家沙嘅上海菜相對本地化了，沒有那麼重口味，而且又保留了各種特色點心，菜式，所以要like