新界區代表話我知大圍站A出口有近萬尺飲食新地標，我梗係唔執輸去踩踩場。
未介紹搵食市集已經被“王牌冰茶”深深吸引，先敗在它手上。
冰茶店是本地薑開設的，百分百Made in HK，先睇設計滿龍飛舞好有龍的傳人feel，我好buy，靚到不得了。
嚟到王牌冰茶梗係要「王牌出場啦～」，我叫了純茶系列冰糖雲南普洱(少甜)。
嗱~老老實實我好鍾意飲茶架，呢杯茶又幾香，茶味不算濃，有少少甜，ok合格，再加埋用滿龍飛舞杯裝， 揸住隻杯都覺得型，攞滿分啦～
桂花蜜釀鐵觀音手工桂花珍珠，愛桂花的你必定會滿心歡喜，因為真係好桂花，甜甜地，鐵觀音甘甘地，桂花香味滿佈四散，令我想到古代女子慢步湖邊，休閒聊天的生活。
另外王牌豐乳奶蓋系列，點少得叫杯豐乳鐵觀音，奶蓋味比一般台式飲料不同，王牌嘅鹹香味重d，而且層次再分明，想飲真味千萬不要用飲筒，要由面飲到底先會飲出奶蓋真諦，先鹹後甘再甜之滋味。
仲有杯身背有「嗜茶之事，吾曉鐵乎」及「乾矣」，大玩文言文，很新潮又創意。
價錢方面非常合理，而且仲大大杯，仲有買夠10杯，儲齊十個印仔，就送你飲料手提布袋，我極度喜歡，職員話儲唔切印仔，加10蚊就可買到，我要型就必定要買番個啦～
再響應環保啲就要走飲筒，用45蚊一杯飲食及環保飲筒一套2支，仲有個靚靚型袋裝起，喂呀～要型又點可以唔買，通通都要。
下次買手搖飲品就可以用手提袋及鐵飲管，有型之餘仲好環保，super like & support!!
