連香港人都鍾意食嘅湖南菜，原來真係好好味，你都快啲去試下～
早排病左，戒口戒到口淡淡，男朋友話獎我食一餐辣野放題，想食嘅，通通都叫，正呀！
食辣野即刻諗起湘辣辣，一間好食唔貴，菜品豐富，結合香港人口味嘅小炒湖南菜，餐廳環境
仲要好闊落，坐得舒服，怪唔之得成日行過都大排長龍，果然係最受香港本地人鍾意嘅湘菜GO!
一黎叫個冷盤開下胃，湘式拌魚皮，加左少少芥末，唔會好攻鼻，魚皮好爽脆，花生🥜越咬越香，一粒都無剩
即叫即炒，上餐勁快，傾兩句計就上齊哂😍
呢個膠原脆皮豬手係我成世人暫時食過最好食嘅，佢個皮好酥脆，入面勁嫩，勁膠質，食完個嘴仔粘住哂🤭唔知佢有咩秘技，可以整到每一個關節一咬就甩開，我個嘴好似庖丁解牛咁厲害🤣
個乾鍋肥腸又係好出色，如果你用筷子🥢剩係夾啲豬腸食，你就嘥哂喇，啲配料係靈魂，啲酸豆角勁爽脆開胃，蒜頭金黃香口，超級送飯🍚
辣椒炒肉片，好足料，調味好啱香港人，啲肉片入味好有辣椒香但唔咸，又有鑊氣，小炒辣度自己揀，小辣食得舒服唔辛苦，又食多碗飯🍚🍚
湘味酸菜魚，又係頭牌菜，魚肉嫩滑，少骨，寶物尋鍋底，個金湯猥到啲粉絲入哂味，滑溜滑溜的🤩
雖然好飽，但飯後甜品唔少得，揀左個麻花糍粑，好軟糯，外層好脆身，沾少少黑糖醬，完美！
杯西瓜檸檬茶好有諗頭，塊西瓜🍉整到好似雪條咁，解辣又解渴
鴨屎香檸檬茶都好好飲，啜埋兩杯超巨飲品，埋單，滿足🫶🏻😋
📍 辣湘湘 小炒湖南菜 (荃灣)
荃灣大河道99號99廣場地下1A-1E號舖
