Whatever. Coffee (Closed)

難得閒日放假冇野做，咁岩碌ig見到 豚肉窩貼 同e間coffee shop合作，啲展覽好似幾過癮就專登去睇下！店面都好簡單乾淨，似係新開無耐。menu都係一目了然，每款咖啡都係$40 。 今次展覽係《大迷信》，連咖啡都有隻碟仙餅仔係到，好配合主題 XD 沖咖啡嘅妹妹話依隻咖啡豆係來自印尼，飲落有啲果香同酒味，幾好飲喎！不過其實咖啡都係其次，主要係想睇展覽！話哂都係農曆七月鬼節，梗係凝住有啲唔自在，但豚肉窩貼將成件事卡通化，將以前細個成日聽嘅碟仙、水怪畫到咁qq！每幅海報都好colourful，再加上有香港地標，就令到件事更加本土。另外仲有啲賣啲小玩具，可以買番屋企記念。總括黎講環境都幾舒服，當係一個有咖啡飲嘅藝文空間咁樣欣賞下本土文化都不錯。