渾喆 (Closed)

登打士街不嬲係台式飲品店嘅聚集地，但今日發現多咗一間生力軍叫渾喆，原來係本土牌子，作為香港人當然要支持。店舖旁邊有電子餐牌，餐廳所有飲品一覽無遺。另外，電子螢幕上有四款飲品，包括黑糖珍珠鮮奶，滿杯水果四季春，應該係主打。作為一個芒果狂熱分子，我叫咗杯原個芒果茉莉綠茶。入面有大量芒果肉，而且幾甜，但唔會蓋過綠茶茶香，感覺非常清新，消暑一流。係鮮果茶方面，渾喆唔會輸俾大牌子，啖啖果肉真係幾impressive，而且價錢幾平，期待下次試珍珠奶茶。