Video
Read full review
2025-08-05
0 views
一排冇嚟食, 連名都改埋, 一入到去, 格局有D似松屋, 好多自閉位。 樓面改半自助, 順便減人手, 講得通既, 身為顧客都理解! 炯記馳名燒鵝、叉燒、手撕雞, 老實講, 餐牌加咗個牛肉飯, 我無興趣試。炯記有需要洗底咩? 唔覺得要。 如果係順便改變形象, 還可算講得通。但個人覺得, 唔需要扮日式。 佢地做開傳統野, 仲做得咁好, 已經有本錢將傳統野打造成香港傳奇品牌, 好似「獎門人禮餅」咁做法。講返個餐, 我照舊食麻辣手撕雞配太子鵝油撈粗, 凍飲唔洗加幾蚊, 價錢58蚊, 即係冇乜加價? 印象中, 正價套餐 (非下午茶) 好似係57蚊 (凍飲要加錢), 咁即係只加咗一蚊? 份量有冇少到? 好似冇... 真係? 似乎份量同以前下午茶餐差唔多, 不過多咗碟小食, 即係陰D陰D, 加咗價你都唔知😝 隔籬枱叫半隻手撕雞跟飯, 睇落大大碟, 咪理佢有無少到, 至少睇落一定夠飽。 跟住有人入嚟叫外賣半隻手撕雞, 見到都仲係塞滿一個外賣盒, 搭埋雞殼舊骨, 依然賣48蚊。到底有冇少到? 記得以前係唔搭雞殼舊骨既, 成盒雞只有原隻雞翼個幾條骨。手撕雞水準依舊, 一樣咁好食, 麻辣初入口唔太辣, 不過
炯記馳名燒鵝、叉燒、手撕雞, 老實講, 餐牌加咗個牛肉飯, 我無興趣試。炯記有需要洗底咩? 唔覺得要。 如果係順便改變形象, 還可算講得通。但個人覺得, 唔需要扮日式。 佢地做開傳統野, 仲做得咁好, 已經有本錢將傳統野打造成香港傳奇品牌, 好似「獎門人禮餅」咁做法。
講返個餐, 我照舊食麻辣手撕雞配太子鵝油撈粗, 凍飲唔洗加幾蚊, 價錢58蚊, 即係冇乜加價? 印象中, 正價套餐 (非下午茶) 好似係57蚊 (凍飲要加錢), 咁即係只加咗一蚊? 份量有冇少到? 好似冇... 真係? 似乎份量同以前下午茶餐差唔多, 不過多咗碟小食, 即係陰D陰D, 加咗價你都唔知😝
麻辣手撕雞配太子鵝油撈粗
$58
0 views
0 likes
0 comments
隔籬枱叫半隻手撕雞跟飯, 睇落大大碟, 咪理佢有無少到, 至少睇落一定夠飽。 跟住有人入嚟叫外賣半隻手撕雞, 見到都仲係塞滿一個外賣盒, 搭埋雞殼舊骨, 依然賣48蚊。到底有冇少到? 記得以前係唔搭雞殼舊骨既, 成盒雞只有原隻雞翼個幾條骨。
手撕雞水準依舊, 一樣咁好食, 麻辣初入口唔太辣, 不過食到尾都真係辣, 怕辣既可以叫小辣。 照舊手撕雞墊底會用條生菜, 喜出望外地非常新鮮爽脆😋
麻辣手撕雞
0 views
0 likes
0 comments
太子鵝油撈粗係炯記招牌菜, 唔想食麵, 可以叫飯或者腸粉。
太子鵝油撈粗
0 views
0 likes
0 comments
而家變咗麵豉湯跟餐, 我伶願係以前既老火例湯。
味噌湯
0 views
0 likes
0 comments
認字特警👮♂️ 係味「噌」湯至啱
小食... 我覺得係畫蛇添足🥲 不如俾多少少主菜、或者多少少飯/麵/腸粉仲好。 有日式豆腐、泡菜、同埋我揀咗既酸辣雲耳, 唔好食, 無辣味, 同埋鹹返少少會有味D, 而家淨係食到酸味。
酸辣雲耳
0 views
0 likes
0 comments
凍檸茶改咗用紙杯, 冇咗長鐵羹幫手, 深不見底, 好難篤檸檬😒 枱面有七味粉任加唔嬲, 扮日式扮得徹底。
告示貼到周圍都係, 叫人食完要自已清場。 香港人習慣係點? 即刻有人做俾我睇。
當然亦有好多人識自動自覺, 包括我。
結論: 重新包裝後既炯記, 依然可以繼續捧場。招牌菜冇走樣, 不過要食牛肉飯唔會揀佢囉! 附近又有「日文字」過江龍牛肉飯...
紙巾提供: 無
廁所狀況: 無去過
溫飽指數: ***
回味指數: ****
翻兜指數: ***
Post
