天吉屋 (Closed)

每次去朗豪坊經過都會見勁多人排隊食呢間，今日見無咩人就忍唔住入去試。利申好鍾意食天婦羅，加埋冷烏冬就無敵，咁就叫咗份嚟試。一嚟就上咗份沙律菜先，都ok，撈埋d汁幾開胃，茶都幾好飲。跟住主菜嚟，一上枱都賣相幾吸引，烏冬汁睇落好清澈，點知食落味道一樣咁清澈，淡到以為係清水，咁都幾清新嘅，完全淨係食到烏冬本身嘅味，食唔到其他味，可能我重口味，最後落哂wasabi七味粉都係無乜味。至於天婦羅呢，有好有唔好，茄子洋蔥好食，但隻蝦就唔掂，咬落冧哂唔爽口，食咗一啖就無再食。價錢可接受，但唔值得排隊排咁耐去食，專食天婦羅但最好味係沙律菜同茶。完全係比排隊條人龍呃咗入去。