囍悅酒家 (Closed)

唔知大家點理解呢個餐牌？我哋以為有一個小小冬瓜盅、一碟鷄同任揀三個餸吧？好，揀定咗開始叫，一講到第二個餸，黑色衫女侍應即話：「唔係喎！三寶嘅意思唔係咁！一個冬瓜盅、今日冇白切雞係鼓油雞！另外自己揀一個餸咋！」我有少少覺得取巧，不過都係禮貌回應：「哦，原來咁......。」黑女話：「妳自己慢慢睇清楚先啦！」我哋想了5分鐘左右決定照叫，加多一個特價龍蝦伊麵，黑女走來下單，說：「快快趣趣喇！咁耐先叫都唔知仲有冇！」我心諗，點解話我耐呢？妳叫我慢慢睇，我都只係睇咗5分鐘啫，好冤枉！無論如何忍下，反正都坐低咗。過了一會，第二個黑女手拿原子筆走來篤著餐牌說：「依家我話你知呀，你叫咗3寶個龍蝦要收番正價㗎！」我和丈夫異說：「咁我哋唔食啦，唔好意思！」她說：「好呀！」離開時黑女竟在門口跟同事大聲駡我們：「我話佢知龍蝦冇特價佢就走喎！」我當時有啲🔥，不過我唔想參與低級駡戰！食餐晚飯6佰幾蚊埋單冇問題，但點解要比人當乞丐呢？呢間安達臣商場嘅囍悅，真係要好好反省和檢討，否則今時今日咁嘅服務態度，仲向客人發洩私人情緒，恐怕好快被淘汰了！