Pizza Maru (Closed)

18:00已經去到，由於無訂台，於是直接排隊，我前面都有一組人排walk in, 唔夠幾分鐘已安排左第一組人入座，我見餐廳入面只有14個客人，雖然有啲台放左留座嘅牌，（唔肯定係唔係每張吉台都已留座），應該好快會比台我，點知我企左近15分鐘，企門口個女侍應係完全無理我。幾多位無問，咩都無講，既然你用餐時間只有90分鐘，假設其他吉台都已留座，你大約幾時有台比我都計到可以話比人知丫？！之後我忍唔住問個企門口個侍應係唔係要等入面嘅人食完先會有台，個侍應先話我地依家bar台有位，即係我唔問你唔會話比我知原來你有位？最後我當然無幫襯，同場有咁多餐廳選擇。建議如果各位真係想食，記得訂台，同有心理準備啲侍應面色係好似你欠左佢咁嘅。