聯邦皇宮 (Closed)

我一個人去飲早茶，食既野唔多，只有鮮蝦腸粉，燕麥饅頭同埋蝦餃。如果一個人食，佢其實有些一個人份量的點心，其實算係照顧周到，唔錯的。但講番食物質素，佢既腸粉好厚皮，但鮮蝦又唔係爽同大隻，算係敗筆，至於蝦餃，皮唔太靚，因為唔夠薄。但蝦餃入面既料都幾好味既，但我個人覺得蝦餃皮直接影響蝦餃既整體質素。至於燕麥饅頭就中規中舉啦！絶對唔難食，但講唔出有乜特別。總括黎講係冇一樣野叫好味，但都唔會叫難食。不過九點半前有特價飯，係臘味糯米飯同排骨飯，只賣$8.8，好似好抵食，但有好多人想叫都冇喇，經理同佢地講，人地一坐低即入單的，所以想一試平飯的話不妨一坐低就問佢有冇啦！