鮮活之味

見網上有介紹，難得有食鱔既舖頭，一於去試下。
店鋪採用QR落單，店內亦有wifi提供，店員都有走過黎問我有冇落單困難。
店內有面壁位，對於單丁友黎講幾友善。

部份既櫈係一般圓形木櫈，正正常常唔算坐得好舒服。
另外要留意返既係佢地唔收現金，所以要記得準備相關電子付款方法。
食物方面，叫左一個白灼秘製蔥油汁白鱔片。

白灼秘製蔥油汁白鱔片

$68

鱔片有九塊，雖然唔算好厚身，不過口感都算彈牙。
蔥油汁甜甜地，唔會好咸，適合送飯。
總括而言，味道正正常常，未至於好驚喜，抵唔抵食就見人見智，鍾意食鱔既人一試無妨。