Video
Read full review
2012-10-18
1933 views
講好左大半年，妳生日要食大喜屋，我卻遲遲去打去卜位結果係連waiting list 都 full 晒，walkin 等左一陣已宣怖無位人在尖沙咀，於是上openrice app 搵下附近仲有邊間放題退而求其次，搵黎呢間寶勒巷地庫嘅石澗日本料理行入樓梯，感覺不良，無門牌無reception , 推開門入去如果唔係有個收銀櫃檯，會以為自己走錯左去後門，小伙子連忙收捨餐桌，帶領我地入座，服務整體不錯好肚餓喇，先叫左野飲先，有檸檬+C，對我地黎講係賣點餐紙分類清析，而且列印精美，都幾多野食喎，蠻有驚喜1.刺身~ 三文魚水準一般，可能因為切得太細片未能感受肥美與否劍魚腩香滑軟綿 , 唔腥且重魚味 , 可惜有入口仍有解凍o既雪水帆立貝唔夠鮮甜 , 馬刀貝煙韌有嚼勁 , 更滲出淡淡鮮甜味北寄貝同赤貝都無乜味 , 可以唔叫 , 海螺片就好薄好爽脆希靈魚切成長條形 , 肉o既部份差點多過魚子 , 破壞質感我地食得最多o既當然係甘海老同半熟蝦啦 , 回本之選 !!甘海老都算幾肥美 , 但因為全隻連頭咁上 , 完全無去殼 , 隻隻個肚都好似有 d 春咁o既滑 san san 物體 , 有點影響觀感反而半熟蝦
結果係連waiting list 都 full 晒，walkin 等左一陣已宣怖無位
人在尖沙咀，於是上openrice app 搵下附近仲有邊間放題
退而求其次，搵黎呢間寶勒巷地庫嘅石澗日本料理
行入樓梯，感覺不良，無門牌無reception , 推開門入去如果唔係有個收銀櫃檯，會以為自己走錯左去後門，
小伙子連忙收捨餐桌，帶領我地入座，服務整體不錯
好肚餓喇，先叫左野飲先，有檸檬+C，對我地黎講係賣點
餐紙分類清析，而且列印精美，都幾多野食喎，蠻有驚喜
1.刺身~ 三文魚水準一般，可能因為切得太細片未能感受肥美與否
劍魚腩香滑軟綿 , 唔腥且重魚味 , 可惜有入口仍有解凍o既雪水
帆立貝唔夠鮮甜 , 馬刀貝煙韌有嚼勁 , 更滲出淡淡鮮甜味
北寄貝同赤貝都無乜味 , 可以唔叫 , 海螺片就好薄好爽脆
希靈魚切成長條形 , 肉o既部份差點多過魚子 , 破壞質感
我地食得最多o既當然係甘海老同半熟蝦啦 , 回本之選 !!
甘海老都算幾肥美 , 但因為全隻連頭咁上 , 完全無去殼 ,
隻隻個肚都好似有 d 春咁o既滑 san san 物體 , 有點影響觀感
反而半熟蝦 meet 得好乾淨 , 肉質爽口彈牙 , 咁當然論味道
就不及甘海老甜美啦 , 刺身叫左兩盆 , 兩次都排得幾靚o家
2. 壽司 , 卷物~ 最正係比目魚邊壽司 , 輕輕燒過 , 好香魚油味 , 好軟滑
象拔蚌麻麻地 , 有 d 腥味 , 龍蝦沙律 ok , 唔會一 pat 醬
松葉蟹棒大大條幾好食 , 軟殼蟹卷唔覺有軟殼蟹 ,
另外兩件火炙芝士熟蝦係錯左 order , 我地叫o個個係 ...
辣味三文魚脆脆無黎到 , 至於個芝士蝦 , 無乜特別 ~
3. 一品料理~ 日式蒸蛋 : 估唔到咁足料 , 有蛋棒日本魚蛋冬菇同白果
蒸蛋滑溜有蛋香 , 調味得幾好 , 唔使加豉油都夠味 ~
~ 日式糖心蛋 : 估唔到有得任食糖心蛋 , 水準仲好唔錯 ,
糖心夠流仲透亮 , 味道香濃幼滑 , 蛋白仲有恰當o既醬油味
~ 豚肉生姜燒 : 無乜姜味 , 但豚肉片夠薄 , 洋蔥炒得好夠香
4. 炸物~ 全部即叫即炸 , 新鮮熱辣上枱 , 炸粉唔厚但有 d 硬 ,
蝦都幾彈牙 , 蟹棒炸完乾身左 d , 蕃薯同南瓜都好香甜
吉列蠔都係正常水準 , 不過無比沙律醬 , 點天婦羅有 d 怪
5. 鐵板燒~ 汁燒牛肋骨 : 味道唔錯 , 但有 d 過韌
鐵板牛舌 : 好好味 , 好爽好薄片 , 好香黑椒味
鐵板帆立貝 : 都算幾大隻 , 好 juicy , 同樣落左好多黑椒
鐵板海蝦 : 稱不上係海蝦 , 只係一粒蝦仁 , 但味道 ok o既
日式煎餃子 : 煎得唔夠脆 , 餡料好淋 , 無乜口感 , 可以唔叫
6. 燒物~ 鹽燒鯖魚 : 好好味 , 大大條熱烘烘 , 燒得好香好脆皮
魚肉保持肉汁 , 少許鹽己經好夠調味 , 而且仲好少骨 ,
唯一美中不足係無配上檸檬 , 只有個好似魚露o既汁
~ 汁燒雞腎 : 雞腎爽口唔太韌 , 但個燒汁稍為偏甜
~ 牛油燒粟米 : 好香燒得好靚 , 粟米都幾香甜
~ 鹽燒雞軟骨 : 夠晒熱好香口 , 燒無炸咁多油 , 好味 !!
~ 燒多春魚 : 多春魚就比較瘦削 , 無乜春
~ 章魚小丸子 : 外脆內軟 , 但唔覺有八爪魚粒
## 雖然妳今年生日飯係所有節目最美中不足o既一項 , 但呢一餐都真係唔差丫 , 未能去到最好 , 但都食得好開心呀
從食物同環境以及服務 , 其實石澗都好值得再黎o家 ^^
Post
