Latter Cafe

Open Now

Now Closed

係灣仔嘅小巷中，估唔到有一間少女心爆燈嘅Cafe，門口以奶油色裝潢，藤椅上坐住隻好可愛嘅學院風啤啤熊，加上玫瑰花裝飾，黑白色嘅階磚，真係忍唔住即刻打卡！動物派對盲盒紫薯拿鐵今次我抽到嘅係一隻小黃雞造型嘅蛋白餅公仔，飄浮喺紫色嘅奶泡上，好可愛！紫薯拿鐵奶味濃郁，香甜好味，而且仲有粒粒嘅紫薯，口感豐富！椰子水冷萃咖啡估唔到椰子水同咖啡都味道好夾，為苦澀嘅咖啡帶上一點香甜同清新嘅感覺！香煎帶子明太子扁意粉明太子味道咸香，帶子煎至兩面香脆，加上軟硬適中的意粉🍝Latter全日早餐有炒蛋，腸，煙肉，沙律菜、牛油果、蕃茄，多士，仲要有切粒嘅士多啤梨同埋藍莓添，好豐富呀！柚子芝士蛋糕🍰最鍾意佢唔算好甜，芝士原來配上清新嘅柚子，可以消除膩度，更加清新！